O martes pasado achegueime ata Silleda para participar na 1ª Semana da Banda Deseñada e a Ilustración organizada no IES Pintor Colmeiro. Quero felicitar e agradecer a Gracia e ao resto da organización polo seu traballo e polos resultados do mesmo, e desexarlle longa vida a esta fabulosa iniciativa. Aplausos!! Bravo!!

Acaba de comezar o

X Salón do libro infantil e xuvenil de Pontevedra,

dentro do cal celébrase unha semana da Banda deseñada con obradoiros varios, clases maxistrais e mesas redondas (picade e consultade o programa que é magnífico). Eu terei o gusto de participar nunha delas co título " BD e literatura" xunto con Miguel Rocha e Max. Será o sábado 14 de Febreiro as 19:30.